বেগে সুঘে থাদোক (Dhormo Geet)

Print Friendly

বেগে সুঘে থাদোক কিয়োই দুঘ ন পাদোক
সত্রু কারর্ ন থাদোক, সত্রু’নে মিত্রু অহ্দোক ।

সুঘী অহ্দোক বেক্কুনে মা-বাপ ভেই-বোনুনে
সুঘী অহ্দোক মর গুরু জনুনে,
সুঘ ছারা দুঘো বাহ্বো কিয়োই লাক্ ন পাদোক
সুঘে সুঘে গদা জনম দোলেই কাদাদোক ।
বর মাগঙর ইয়েনি বুদ্ধ ধর্ম সংঘত্তুন
এগামনে এগাচিত্তে অহ্ই যেনে পূরোন ।।

সুঘী অহ্দোক বেক্কুনে ইত্তোকুদুম্মোউনে
সত্রু মিত্রু যা আঘন আদাম্মে পারাল্যেউনে
সুঘ ছারা দুঘো বাহ্বো কিয়োই লাক্ ন পাদোক
সুঘে সুঘে গদা জনম দোলেই কাদাদোক ।
বর মাগঙর ইয়েনি বুদ্ধ ধর্ম সংঘত্তুন
এগামনে এগাচিত্তে অহ্ই যেনে পূরোন ।।

সুঘী অহ্দোক বেক্কুনে পিত্থিমির মানুচ্সুনে
চিঘোন ডাঙর পরানবলা গদা প্রানিউনে,
সুঘ ছারা দুঘো বাহ্বো কিয়োই লাক্ ন পাদোক
সুঘে সুঘে গদা জনম দোলেই কাদাদোক ।
বর মাগঙর ইয়েনি বুদ্ধ ধর্ম সংঘত্তুন
এগামনে এগাচিত্তে অহ্ই যেনে পূরোন ।।

Share This Post

Post Comment

Please Answer.. * Time limit is exhausted. Please reload CAPTCHA.