আউজ *** সুদীপ্ত চাকমা মিকাডো***

Print Friendly, PDF & Email

কাপ্তেই লেককোর পানি যার তা দগে বেই

ম মনান অ স্ববন আনি এজের উজেই

বেন্নে পত্যে অলে ভুইয়ত যানা গরুলই

যানা স্কুলত হিজে হিচ্ছ্যে এই

“ন” ছাড়া যেই ন পারে স্কুলত

আদি গেলে লাগে দিবরবো

রেততো ‍অলে লেগা শিগানা জুন পওড়ে

কেরোচিনর চেরাগত পড়দে লাগে টেঙা

জুম গরি তোন পাদ তোগেই

হুদু পানা সেই টেঙা ?

বাপ দাদার চৌদ্দ পুরুষ ন পান্ শিগি লেগা

চিদে চিদেই মন ন বজে পড়াদ

হক্কে গড়ে ম স্ববনান বরাদ ?

শরনার্থী জিংহানিত এনেই

শিবিরত থানার ঢক দেনেই

লেগা শিগি পেম আজা ন এল মনত

পিত্থিমিয়ান হমবা দাঙয়র

চেবার, জানিবার ভারি আউজ অয়।

সে আজায় এলুঙ ভারদতত্তুন হিল হুদুম অ ঘরত

লেগা শিগিবার হদা এলে

উদে ভাঙঅহুজ্জ্যে নানা বাবদর হদা

নিলোজ গরি টেলুঙ দি বে তিননো বজর

পাশ ‍অলে মেট্রিক গেলুঙ রাঙামাট্ট্রে শহরত

এজান গরি লারে লারে পার অলুঙ ইন্টার

দাদার সমাজ্জ্যে লগে এই চিদেগাং

দি চেলুঙ ভার্সিটি ভর্তি পরীক্ষে

লিষ্টত এই গেল নাঙয়ান

লাগিব ইক্কু বানা টেঙায়ান।

বেরেুলং হিল হুদুম অ ঘরে ঘরে

টেঙা আঝায় পেলুঙ বানা আশিব্বাদটান

যেরেদি আজির অল একবাবু দেবেদা সান

হুজিয়ে টেঙয়রত পুরি গরি সালাম

ফাতটুরু টুরু গরিলুঙ ইউনিভার্সিটিয়ান

সুজাতা দক অকালে যেবার মনে ন হয়

লেগা শিগিদ চাঙ মুই তমা বেগ দগে

দাঙর অবার চাঙ মুই নিজ অক্ষরে

লেগা শিগি জাদতোরে ভালেদ গরিম

ম দক যারা আগং পুড়ি

তারাতেই হাম গরিম।

Share This Post

Post Comment

This site uses Akismet to reduce spam. Learn how your comment data is processed.