**ফিরি এইম ত বুগোত**

Print Friendly, PDF & Email

২০/১২/’১৩, সুক্কোরবার, ৮:৩০ পিএম

মুই যুনি কন’দিন এ জাগা ছারি

যে’ পাং বর্‌পরঙ্ ওহ্ই দেজান্তরি,

ইদুঘোর এ্হ্ইল্ ভুই, মিদে রোদ, জুরো ব’

সোজদেবা, ঝরফুদো, পেইক্-পেগোলি র,

চিত জুরোনি তজিম্‌খলা এ দেজর চেরোপালা

ফারক ওহ্ই দূরোত থে’পাং মুই এগালা,

যেইম মুই বানা ছলঙান, ফেলে যেম পরানান্

পর্‌বাঝে দিন কাদেম জবি জবি ত নাঙান;

ও মা পরানঘরান, আওজোর জুম্মল্যান্ড
ফিরি এইম ত’ বুগোত দিলুং এ কধাগান ।

বিদ্রোহী লর্বুঅ ওহ্ই, সরানর লারেয়ত

গঝি লোম আহ্ত্যের সক্ত দিআহ্দত্,

লো দিম, লো নিম, জাদর মুক্তিল্লাই

সোয়েম মুই যদ’ দুক, ঘরপাদা পেবাল্লাই ।

জে্ইল-আহ্‌জদর আন্ধারত, যোক্ জনম যোক্

অনাজার অবিজের যেদক এব’ এজোক,

জালাতুচ্স্যা মাধাত নিনেই লরিম জনমান

তুচ্চ্যাল্যা অমাঞ্ঝোত্তুন বাজেম ত’ লাজ্‌চান ।

মুক্তির তিরোজত অতিত্তি এ জিবন

নাদ’ত্ টাঙেই যুনিয়ো, অহ্‌লে মর মরন,

সেক্কেনেয়ো জবিম মুই বানা ত নাঙান
ফেলে যেইম ত’ কহ্‌রত মর পরানান ।

আহ্‌ত্যেরে বা সুদোম্‌মুজিম অঘুর লারেই গরি

সরান পেলে কন’কালে আমা দেচ্চান যুনি,

মন খেলাঙে গেইম-আহ্‌জিম, ফুল-পেঘো ধগে

দিনুন কাদেম সমাচ্চ্যেলৈ খুঝি-উল্লাজে ।

আমন’ আহ্‌ভাল খুলোমেহ্‌লা আগাজ’ পেঘো সান

থান-থমগে থিদোমিদো গঙিবো দিনমাধান,

তজিম্‌পুরো এ দেজ’মায় জাতভেই সমারে

আলুলো-দুলুলো জনম কাদেই বেক্কুন একলঘে;

যুনিয়ো থে’পাং ঝুবুরো টাঙেই তিন কেদাগ’ মাধাত

মরন এলে সুঘে মরিম আমন’ ঘরপাদাত ।

কোচপানা মর এ দেজ’মায় অঝার বুক ভরন

ঈল ন’অহ্‌ব’ কোচপানাগান বানা এ জনম,

কোচপে’ যেইম মা জাগা মর, গভীন চিদোমুরোত

কোচপেবাত্তেই জনম জনম ফিরি এইম ত বুগোত ।।

===০০০===

র ভেত : ১) বরপরঙ্=এক দেশ থেকে আরেক দেশে স্থানান্তর; স্থায়ীভাবে স্থানান্তর; রাজনৈতিক আশ্রয় ।(১৯৬০ সালত পাকিস্তান সরগারে কাপ্তে নাঙর জাগা’নত বরগাঙান গদা দিলে চাঙমাউনোর ৫৪,০০০ (চোপ্পান্নো আহ্‌জার) এঘর বলা ভুই ডুবি যায় । যেরেদি ভারত সরগারে তা’ দেজত আর্(আশ্রয়) দে’নার রাজডাগনি দিলে নিজ জাগা, ঘর’ভিধে আহ্‌রেইয়ে চাঙমাউনে ১৯৬৫ ইংরেজি বঝরত ভারদর অরুণাচল প্রদেজত বরপরঙ্ যে’ পা’ন্ ।)

২) দেজান্তরি=দেজছারা অহ্‌না; দেজ ফেলেই যানা ।

৩) তজিম্‌খলা=পরিবেশ

৪) এগালা=একলা

৫) পর্‌বাঝে=পরবাসে

৬) জবি জবি=জপ করে

৭) নাঙ্=নাম

৮) বিদ্রোহী=উল্লোহ্; বিরূদ

৯) সরানর=স্বাধীনতার

১০) সোয়েম=সহ্য করব (সোয়=সহ্য)

১১) অনাজার=অনাচার

১২) অবিজের=অবিচার

১৩) জালাতুচ্স্যা=অত্যাচার

১৪) তুচ্চ্যাল্যা=অত্যাচারী

১৫) অতিত্তি=অতৃপ্ত

১৬) নাদ’ত্ টাঙেই=ফাঁসিতে ঝুলিয়ে

১৭) নাদ=ফাঁসি;

১৮) সুদোম্মুজিম=নিয়মতান্ত্রিক

১৯) আহ্‌ভাল=অধিকার

২০) থান-থমগে=ভুমি-শক্তিতে;

২১) থিদোমিদো=প্রতিষ্ঠিত

২২) আলুলো-দুলুলো=ভ্রাতৃত্ববোধ;

২৩) ঝুবুরো=ঝুপড়ি

২৪) তিন কেদাগ’ মাধাত=(বাগধারা)কুঁড়ে ঘরে ।

২৫) ঈল=তৃপ্তি

২৬) চিদোমুরোত=হৃদয়ের অন্তঃস্থলে
========================

Share This Post

Post Comment

This site uses Akismet to reduce spam. Learn how your comment data is processed.