তারাপুদী

Print Friendly, PDF & Email

তারাপুদী

 

তারাপুদী বেবেই, মনত আগে নি তর?

নিলোচ মুয়্যে তরে পরানী নাঙে দাগিদুং যেদিন্যে এল আওজর জুম্ম জাদত্তু এগত্তর

দজরত থিয়্যে ইজোরত তুই লুগদি চেদুং তর মিধে মুও আহ্‌জিবু

র’ সারি গুজুরি উঠত তুরুত-তুরু-তুরু-রু ম আওজর বাজিবু।

নাধা মন ভাবে মর কি দোল বিল্যে রাঙা সাজুন্যে আগাঝচ্চান

রুব তর দেগি মুই নিত্য ফিবলক

এ্যাল পেলোর পিন্যে পিনোন বান্যে বুগত রাঙা হাদির চদক

কি সুগেই না এলং তল্ল্যোই দ্বিজনে আমি পুজুপাজা কধা গীদ জুরিনেই লাঙর কদক  গপ!

আহ্‌জি যেদং ঝুবো ছেড়ে আজাআচ্চে ঠোদেঠুদ

রস মাত্তল  মেইয়্যে পেনেই ভুরি যেদ বুক।

 

তারাপুদী বেবেই, মুই হবর পাং তুইও হবর পাছ

জুম্ম জাদ গরে মারামারি ধরাধরি আহ্‌দেআহ্‌দ, ফারাক ওয় এগত্তরে এক যধাজাদ

গুন্ডুজ-সন্তুজ-ফান্ডুস জগায় জাগায় ভাগে ভাগ

নিত্য বাড়ে জাদর বজং, বাড়ি যায় ফারক

মুয়োছড়ি নাড়েছড়ি বেতছড়ি ভাগ। দেনধাগ বামধাগ

গত্তনা, শিরে, দামানা, চিদঘিলে, বুক বেক্কানি বেসংগুল্ল্যে ভাগ

বেচভাগ কমভাগ পেট পোড়া মনুচ্চর নিত্য থান তাদাকতাক।

জাত্যে দ্বিয়ান মনর এক্কান সবন রই গেল বানাবান্যে এগত্তরে

টিয়্যেইয়্যে আগে জাগুলুক রাজানেতি টানাটান্যে ফারাক ভাঙিবার দরে।

 

তারাপুদী বেবেই,

এজ মুই বাচ্চে আগং তরে

আহ্‌জি যেম ভিলে তল্লোই এগত্তরে

লাং গাং সাজুরিনেই দোল দেঝ ওপারে।

 

মারামারি আহ্‌দেআহ্‌দ ধরাধরি, জাগা ভাগ নিত্য হুজ্জ্যে তাদাকতাদাক, লাং-লাঙনির ফারাক, গত্তনা শিরে ভাগ লোগুনি দলা ধাগ-  বজং কাম ন থেব সে দেঝত যিদু আহ্‌জি যেম তল্লোই সিদু। তারাপুদী বেবেই, সবন দেঘং মুই মুরোত মোনত ভুই  থেবং তল্লোই সেই সবনর দেঝচ্চানত চিগোন তং ঘর বানি।দেঝচ্চানত চিগোন ঘর বানি।

_____________

২২/০৭/২০১২

——–হেগা

Share This Post

Post Comment

This site uses Akismet to reduce spam. Learn how your comment data is processed.