লাইট হাউস ।। বাসু দেব চাক্‌মা

Print Friendly, PDF & Email

রেদোবিলি আন্ধার ধজ্জেত
মাদা উজু গুরি ঠে আগে ,
ঠিবুত ঠিবুত গুরি জলের
ঝোলগা বোয়ের লগে ।

এক্কান লাইট হাউস !

বুক সং উজু টুম্বোলত
ঠেং অ পাদা ধয় ,
পহর সিদে হবালত
এজ দ চা নঅয় ,

এক্কান লাইট হাউস !

ছবি আগাংঅর মনত
ঘুর ঘুর গুরি ,
রেত ঠিগে অগে সাগরত
পতপত্তে গুরি জুলি ।

এক্কান লাইট হাউস !

সিগোন ডাঙর জাহাজ
হদক এজে আর যায় ,
নজিরায় তে হনদিন
তারারে পথ দেগায় ।

এক্কান লাইট হাউস ।

তারা নেয়ে আগাজত
লাগে তারে হামত ,
ওল অলে তে পথ দেগায়
দূর ধজ্জে বামত ।

এক্কান লাইট হাউস ।

Share This Post

Post Comment

This site uses Akismet to reduce spam. Learn how your comment data is processed.