জুনি জুলিচ আন্ধারত।। বাসু দেব চাক্‌মা

Print Friendly

ধান ভুই,বাজ বন
শুগুনো হন বিলোত
ঝিমিত ঝিমিত গুরি জলদন
মা পিত্থিমি বুগোত ।
আজারে আজার,এক জোধা ওই
ঝাগে ঝাক মিলি,
পহর আদত উজোদন
রেদো আন্ধার সিরি ।
ইত্তুক জুলি তারা ইত্তুক জিরাদন ,
ওল ওয়ে মানেয়োরে পথ দেগাদন ।
দিন্নো দুক হামর পর
রেত সম্ভাগত ক্লান্ত হন মানেই,
সমার অন লগে তার,
আগ মুলিম ওনেই ।
বেল পহর অত আঝি যান
এজন অলে রেত ,
জুনো পহর অর সম হাদে
উদোন জুলি আঙাচ্চেত ।
নথামে তার পথ দেগানা
বড় হন ঝড় বোয়েরত ,
জনম ঠিগে পথ দেগেচ
জুনি জুলিচ তুই আন্ধারত ।

Share This Post

One Response to "জুনি জুলিচ আন্ধারত।। বাসু দেব চাক্‌মা"

Post Comment

Please Answer.. * Time limit is exhausted. Please reload CAPTCHA.