চাঁটিগাং/চাদিগাং ছাড়া পালা

Print Friendly, PDF & Email

চাঙমা জাদর বিজগত ঘুদি যেয়ে ঘটনা উগুরে ভর গুরিনেই “চাদিগাং ছাড়া পালা” রোজা ওয়ে ।হনা হমলে ইবে রোজেয়ে সিয়ানি বিজগত্তুন আজি যেয়ে ! ন’শত বজরত(নবম শতাব্দী ) লোরবো বীর রাজা বিজয় গিরির রেজ্য জিদি লবার কাহিনী ইয়োত হো ওয়ে ।রাজা বিজয়গিরি এ অভিযানত রাধামন আ কুনজোধন নাঙে দিবে সেনাপতি এলাক । ইবেলোই সেক্কে দিনোত হুরেহারে জাগানির দিন মাদান হেনজান এল সিয়ানি বুঝো যায় ।এ পালাবো রাধামন ধনপুদি পালার জেরবো হত্তা(দি নম্বর) ও হন । ইয়োত হিজু দে অল ।
—————————-
মানেক বেগেনা জ্বলজলি ,
কত সৈন্য কর্তন কলকলি ।
তোন রানি ভাত হেলাক ,
সম্মুখে সাগর লাক্ পেলাক ।
আগুনদ্ দিলে ঘি গলে ,
সমুদ্র পার অবং গমদোলে ।
নাজের উল্লাসে রাধামন ,
খৈ গাঙত পলাক্কী সৈন্যগন ।
জাদি পুজাত্ দিলুং ঘি ,
মগ দেশ কুলে সৈন্যগন পলাক্কী ।
বর্শিত বাজের ধল্ বাচা ,
মগরাজা কত্তে কত্তুন এল কন্ রাজা ।
রাধামনর সাজ ডাঙর ,
আস্তে আস্তে চাকমারাজা রাজ্য লর ।
লৈইন্যায় সমারে সৈন্যগন ,
রোয়াং কুলে লুঙেগই রাধামন ।
ছড়া ছড়িত ন গাদিব
মগরাজা হত্তে চাকমারাজারে কাটিব ।
বর্শি বেইন্যায় আধারে ,
রেয়াং রাজা নিজে লারেই ন গরে ,
লারেই গরে পাত্রে ।
ডাকের তুলি জনে জনে ,
মার মার হুকুম দিল রাধামনে ।
গত্তন মগে লিক লিকি ,
মগ ইন্দি সৈন্য পত্তন দে কত কি ।
মগে গত্তন হাহাকার ,
মগের রাজ্যে গত্তন চাকমায় অনাচার ।
বর্শিত বাজে ধল বাচা ,
স্তুতি করি ডাকে মগ রাজা ।
কয়ে মগ রাজা রাধামনে,
রেজ্য গজেই দ্যং তোমারে ।
গয়া গঙা গরলুং দান ,
চাংগে তত্তুন পরাণ দান ।
পিদা দুগি সিজিল ,
রাধামন তিন রাজা জিদিল ।
জালি পাগর্য্যা লুমি লাক ,
সিধু সৈন্যগন জিরেলাক ।
কানচন রাজা লারেই হ্মমা দিল ,
কানচন নগর রাধামন জিদিল ।
এবে জিদিলং কানচন দেশ ,
ফিরি উল্লা বেরেবং পুগোর দেশ ।
পুগে আগে রাজা কালঞ্জর(কুকি রাজা) ,
সে মুক্যা রাধামন দিল লর ।
কালঞ্জর রাজা কি গল্ল ,
পাথরী কিল্লা যুগাল্ল ।
সেই সংবাদ শুনি কি গল্ল ,
সিত্তুন বিজয়গিরি লর দিল ।
যেই যেই সৈন্যগন ,
পুনঃ সাপ্রাই কুলে ফিরি যেই ।

Share This Post

Post Comment

This site uses Akismet to reduce spam. Learn how your comment data is processed.