মা, তর হোদা ইদোত উদিনেই
আঙের মর বুক,
এ বাবত্তে গরি আমি
পেবং আর হদক দুগ।
নি’জ পরানত্তুন বেজ গরিনেই
হোচপাং মা তরে,
নহে নহে হদক হেবার
রাগে দিয়োচ আমারে।
ইজচে মা বেজ গরিনেই
ইদোত উদের তরে,
ভাত জোড়া গুরিনেই
হদক হাবিয়োচ আমারে।
তৈল তৈল হোই হোই
হুজিয়ে আমি হেদং,
এ সিত্তেই মা তরে
আমি হোচ পেদং।
একদিন আমারে ফেলে
ছাড়ি গেলে তুই মা,
হদোত উদিলে এ’ব মর
এজে হানানা।
পোড়া হবাল্যে মুই
মা নেইয়ে অলুং,
মা নেই জিংহানি
দোলেই বুঝি পারলুং।
দুগে হস্ত ডাঙর অলুং
ললুং এককান চাগুরী,
হোনদেই ন’পারলুং যে
মর মনর দুখকানি।
মা যদি এইজচে
দোলে দালেন বাজি থেদ,
চাগুরি পিয়ং হোদা শুনিনেই
জমর হুজি অদ।
হোবালান দ হোবাল নয়
অলদে মর পোড়া,
একদিন যে আমাত্তুন ও
যা পুরিবো মরা।
গোজেনত্তুন মাগং বর
মা আত্মাবো সুগে থোক,
সেই লগে বর মাগং
বেক পোরাণবলাউন সুগী অদোক।
