চাক্‌মা কবিতাঃ- পেদাচানর লেঘাপড়া, লেখকঃ- বুদ্ধ জ্যোতি চাক্‌মা

Print Friendly

পেদাচানর লেঘাপড়া

গরিব ঘরত জনম লয়ে তা নামান পেদাচান,
লেঘাপড়া হাবিল ভারি, রাঙাচাঙা তা হিয়্যেগান।
ঠিক মুজিম স্কুলত যাই দোলে লেঘা পড়ে,
হাম্‌ হজ্জ্যে গরে গমে তা মা-বাব সমারে।

মনত হদক আজা এল লেঘাপুড়ি চাগুরি লব,
টেঙা পয়জে হামেনেই ঘর উনোগানি পুরেব।
তা বাবে ওয়ে মদ পুক্‌ তা মা ওয়ে বেদমা
হাবালান তার ভারি বজং ন-ফুরোই ধন্দুক হানা।

টেঙাবলা তা হাক্কা লেঘাপড়া ধোরিলো তা ঘরত রাঘেনেই
দুঃগে দুঃগে স্কুল পার অল তারা মেয়েয়ানি পেনেই।
চাল ফারগ অলে বাব পর ইয়ান অক্‌ হদা,
টেঙা পয়জে হারজ দেনেই দিলাক তারা ধাবেই।

পেদাচানে টেঙা হামেই হলেজত ভর্তি অল,
টেঙা পয়জে চালে ন পারি ঠুম গরি ন-পেল।
বজং হাবাল পেদাচানর মন আজা ন-পুরেল,
এনে এনে তা লেঘা পড়া সিয়দ ঠুম অল।

মা-বাবে জুনি গম ন-অলে পুও চার মনত দুগ বারে
টেঙা পয়জে চারাও হন হাম দোলে গরি ন-পারে।

বিদ্রঃ- এই চাক্‌মা  কবিতাটি ফেসবুক গ্রুপ CHANGMA RIDISUDHOM(BANAH,DAGW HWDA,UBOGEED,GENGKHULI,POJJON,KOBITI…..)  এ প্রকাশ করা হয়েছে।

Share This Post

Post Comment

Please Answer.. * Time limit is exhausted. Please reload CAPTCHA.