”মজুঙে উজেবং” ।। দীপক চাক্‌মা

Print Friendly, PDF & Email

মোন মুরো চিলো চাদারা
দাব দুদুক তারেং হামা
যেত্তমান এযোক বাধা
সিয়ানি আমি পার ওনেই
মুজুঙে উজেবং।

আগাজর দেবাহালা
চিরহিত্তে আন্দার
গুরুং গুরুং দেবা পেরাক
আগাজর জিমিলানি
সিয়ানি আমি ন দরে
মজুঙে উজেবং।

পদত থেলে চুচ্চেং হাদা
চুবি থেলে বন্দুকবোলা
চিরহিত্তে বাঘ ভালুক
চিগোন দাঙর পুক জুক
সিয়ানি আমি ন দরেনেই
মুজুঙে উজেবং।

পদতান অলে পেকসেক
মুজঙত ফেলে পানি
বেক হস্ত মাদাত লনেই
মনর বল রাগেনেই
মুজুঙে উজেবং।

রোদ ঝড় মাদাত লনেই
হোনো হিচ্চু ন দরেনেই
বেঙা পথ উজু বানেই
মরনর হোদা পুরি ফেলে
মুজুঙে উজেবং।

Share This Post

Post Comment