বাবোন্যের গরু বেজানা, দিপক চাক্‌মা

Print Friendly, PDF & Email

বাবোন্যের গরু বেজানা

 

চিরহিত্তে হুয়ো পুজ্জে, উত্তোরো বুয়োর বাহর,

পাহদল এক্কান বুরগি উরি, বাবোন্যে জা’রে গিরগিরার।

পদলং… পদলং… দাবা টানের ঘুম নধরের জা’রে,

রোজে এক্কান হিন হলাক্কে, এদক গুরী তারে।

রেত্তো তার ঘুম ন’অয়, দিন্নো এলে হাম গরে,

আদাম্মেউনে হোয়বলি গরন,”এই বাবোন্যে হমলে যে মরে ।”

অ’ল নেই’য়ে মানুজ, ছয়সম্পত্তি হিচ্ছু নেই তার,

মনে মনে আজা এল, দুঃগে-হস্তে হাদে’ব তে জার হাল।

একজোড়া দামারা বাদে.হিচ্ছু নেই তার,
হুব হস্ত গরিনেয় বাবোন্যে জিংহানি হাদার।

নিজ পরানত্তুন বেজ গরিনেয় গরু’উনোরে হোজ পে’ধ,

হোনো এক্কান অসুখ অলে, ভাত নহে তে’ধ।

ফাগুন মাজ এনেই দ আ’র বেজ জার পেলার,

হি গুরিবো বাবোন্যে ভাবি হুল নপার ।

রেত্তো এলে চিরহিত্তে বাঘ ভাল্লুক ডগত্তন,

সে ঢরে মানেয়ূনে ঘুম যে ন ‘পাত্তন,

এ জিংহানিত এদুক্কেন ন’পায় তে জার,

হি গুরি’ব বাবোন্যে ভাবি হুল ন’পার।

দয়ামায়া ছাড়িনেয়, দামারা জোড়াবো বিজি’ল,

গরু বিচ্ছে টেঙালোয়. রোজে এক্কান হিনি’ল।

আজা এল রেদোত্তুন ধুরি, আরামে ঘুম যে’ব,

সিত্তুন ধুরি জার হাল দুরত দেই গে’ল ।

সেই বজর জার আর ন’এল,

হিন্নে রোজেয়ান বাবোন্যে দোলেই সমুরী থ’ল।

মনত দুঃগে তে ইক্কু হোবালান বাজচার,

সিত্তুন ধুরি সে দিন্নোরে নাং দিলাক,”বাবোন্যে গরু বেজা জার।”

Share This Post

Post Comment