আমা চাকমার তোনপাদ নিনেই মর রোজিয়ে হোয়েক্কো লামাহ্….

Print Friendly
লামাহ্ ১
 
 টিদে শাক
 
 সিদোলো তাবাত টিদে শাক,
 হেই পেলে মর জুরাই রাগ।
 এরা মাছ বাদ দি পারং,
 টিদে শাক পেলে,
 পেত ভরে সং হম্মোই মুই,
 যদি গরত গেলে।
 
 লামাহ্ ২
 
 উল হুজু
 
 ভাদো মাজচে উল হুজু,
 জমর সোদ হেলে ইজু।
 সুগোর এরাত মিজেই দিলে,
 উজচো গরে তোনোর পিলে।
 
 লামাহ্ ৩ 
 
 হুজু দিগ,
 
 সিদোল দিনেই হুজু দিগ,
 হর দিনেই সুমোদ গুদেলে,
 থেই ন পারং লেত্তো পরে,
 যুদি বাজচান পেলে।
 
 লামা ৪
 
 বরণা শাক
 
 হাদা হাদা বরণা শাক,
 বেগুন মিজেই হেলে,
 বজমান গরি ইল অয়,
 বেরমা দিনেই গুদেলে।
 
 লামাহ্ ৫,
 
 সুজ মরিজ 
 
 রান্যে জুমর সুজ মরিজ,
 হাদে যমর জাল,
 বেজ গুরিনেই হেন ন পারে,
 পুরাই জানে গাল।
 
 লামাহ্,
 
 তিদে হুজু
 
 জুমো লেজার তিদে হুজু
 বেরমা মিজেই হেলে,
 পেট ভরে সং হেম ভাত,
 যদি ইক্কুনো পেলে।
 
 লামাহ্,
 
 হাত্তোলো মুজি 
 
 যেক্কে উদে চিক চিক্কে 
 দিবুজ্জে পাগানা রোদ,
 চিদোল দোলা গুরি হুরবো হেলে,
 যমর লাগে সোদ।
লেলম পাদা
 
 দাঙা মুরোর লেলম পাদা
 হুজি অকতদ হেলে
 রাগর মাদা ঠিক ওই যায়
 যদি হেই পেলে।

Share This Post

2 Responses to "আমা চাকমার তোনপাদ নিনেই মর রোজিয়ে হোয়েক্কো লামাহ্…."

Post Comment

Please Answer.. * Time limit is exhausted. Please reload CAPTCHA.