|| হাক্কন্নে জিংহানি ||

Print Friendly, PDF & Email

নো গুরি এজ্চে নিজেজ টানিলুং,
নো গুরি এজ্চে রং চিনিলুং,
নো গুরি এজ্চে পর দিগিলুং।
নো গুরি মুই জনম লোলুং।
মরে চিনি নবারংঅর মুই,
এধক বিলন পর!

গাজ পাদানি এজ এহেল আগে,
বেলান এজ পুগেদি উদে,
পুনোং চানান এজ দোল,
ধজ্জেয়ান এজ বারি ওজার।
বানা আঝি জেয়েগোই হিজু চিদে,
এধক দিন পর।

সে মানুজসো, যে উজুদি গোজ্জে,
যে বুগোত জাগা দে সিজের গোর বুলেত,
যে জাদত্তে সবন দিগি সাজেয়ে সমাজ,
গোজ্জে পরান দান।
শত বজর পর-
এজ তারা হোদা মান্জো মোয় মোয়!
মুই পিঝুম গরংঅর।
এজ তারা দেগেয়ে পদত আদদন আজারে আজার!
মুই আমক অংঅর।
শত শত বজর পর!

এক জনমেই তারা পিত্তিমি জিদিলাক,
বেল ধক পর গুরি জিমিত-জিমিত জুলিলাক।
হানক্কন্নে জনম তারার,
তোপ্পাই তোপ্পাই ইদোত রাগেলাক।

ইক্কু তবনা মর,
শত শত বজর পর।
মরন ওক,পরান যোক
তারা ধক অলে ওক,
সার্তক হাক্কন্নে জিংহানি।

Share This Post

Post Comment