“বর-অক্ত”(মহা কাল)

Print Friendly

ঝোরঝোরি-তানজাং অ ধক আঝি,
আহ্জি যেব এক দিন আহ্জি যেব।
সাত রঙা রানজুনি,ফাগুনোর সবনানি
নথেব চোগোত,এক দিন নথেব।
এ কাচ্চেগি,এ পত্থম, নিজো তিরোজে,
গিলি হেব বেক গিলি হেব!

গাঙ-ছড়া,গোর গোজ্জে ধার,হল হালা র-
মিজি যেব ধজ্জেত! মিজি যেব।
চিগোন হালর নিলোজ পরান জুরোনি আঝি,
তুত্তুরোনি,হুঝি মনে ধেঙানি
ফুলো হুরি চেঙেরা,চিজি চিত্তি র-
নথেব আর, অক্ত এলে নথেব।

উজু উচ্চে পহন পানি ধক্কে মন
নচান আহ্জি যোক,সে দেবংসি ধন!
হালিক যে আহ্জি যেব ,বিষে বিজকাদা অব!
জারি নবারিবাক সে বিষ! বর অক্ত যেক্কে এব।
বিদি যেয়ে সে দিন, মনত লেগা থেব
জিংহানির বেল দুবিবো তো, মন আঝা নপুরেব।
থুম নেই বর অক্ত, থুম নেই আঝা।
গুরি ভাঙি যে ফলন ফলেব, পিত্থিমি চাজা।

মাদি হোলোয়ে হোলোয়ে মিজি এমানর লো-
শিঙোরে চুজি উদি এব ফুলো পাগোরোত,
বাজ-গাজ-হুজিহের পেদর আদুরি ঘুরি,
যে ফিরি ফিরি এব রাঙা ফাগুনোত।

সবাচালর হালা ধুমো মিজে যে বোয়েরত,
সে বোয়ের নালত সুর তুলে নো নো পরান,
মিজে দোল গাবুরির নোনেয়ে হিয়েনত!
এ বর-মেদিনির বেক, এক সুদোলোই বানা
বর অক্তর বর তামাজা, নিজোরে চিনে হনা?

——————-Thum—————-
বর-অক্ত = মহা কাল
ঝোরঝোরি = water fall.
কাচ্চেগি = Civilization.
ধার = Tide
বিজকাদা = poisonus/bisakto.
বর-মেদিনি = Universe.

Share This Post

Post Comment

Please Answer.. * Time limit is exhausted. Please reload CAPTCHA.