আবিলেজ (১) দীপক চাক্‌মা

Print Friendly, PDF & Email

আমা চেলাউনোরে হঙর

By Dipak Chakma

ও ও জুম্ম জাদর চেলাউন
ইয়ানি হি হাম তুমি গরর?
জাদর মাদা হেই হেই
তৈলে ন আদর।
টেঙাপুজে হারি নেজর
আমারে গরিব বানর
অজিত হোদা হোই ন পারির
আহদে টেঙে বানি নেজর।
সোবাচালান ডাগের তোমারে
তাঙ্গোনো বাঁশচুন আগে চেই
রুবো হুড়বো বাজচে আগে
আগুনোত পুড়িবাত্তেই।
রাধাঘরান বাজচে আগে
হানোক্কন চড়েবাত্তেই
সাতপাক হাবে হাবাই
রুবোহুরোত পুড়িবাত্তেই।
ইত্তে হুদুম হানি হানি
আগুন বাজে দিবাক
মানজে হুজি অনেই
সাতদিন্নে হেবাক।
আঙর মাছ চাবেবাক
গামছাহানি বারাত লোবাক
হুজিয়ে মদ হানজিলোই
নানান হাজি হেবাক।
জাদর হাম দ গরর এনে
সিয়ানি যে জাদে দেগের
গম বজং হি হি হাম গরর
জম রাজা সিয়ানি ডায়েরি গরের।
যিদু যেদা সাদ মাপ ন পেবা
যে হোনদে পেবা
জ্বালা যন্ত্রনা হদক দুখ
সেক্কেনে তে দোলে দেবা।
যে হাম গরর বাজি থাক্কে
সে ফল তুমি পেবা
সেক্কেতে হোবাল বাজচে
আবিলেজ হেই হেই থেবা।

May 14

Share This Post

Post Comment

This site uses Akismet to reduce spam. Learn how your comment data is processed.