ডর মিজেল।। বরুন বিকাশ চাক্‌মা

Print Friendly

বিঝু এল’ বিঝু এল’,
নুও রঙে নুও ঢঙে পিত্থিমী সাজিল।

ফুল ফুদি রং বেরঙর
রাঙা ধুব ভালক বাবদর,
গাবুরে তিনেং ওই উলমত্য গরি
আঃঝি আঃঝি হুন হুনেই ভেদা দিলগী।

আঃদ’ ইজিরেই ডাগিযার মরে
আল্যেঙ হির্বে ঢালি
চোঘ’ তারে তারে,
আধুলি হোচপানা গজে দের পরানত
রঙচঙ্যে সবনানি দেঘেই যার জিবনত।

আওজ উরম্বা এই মন ধুঝিত
ঈন’সান জুরে গেল দাঙাপোরা চিত,
ভাঝি যায় হুদু ধুন্ধুগ’ আরাচাক
হানক্কন রেইঙ মেলি
ছাবা নেইয়ে জিরেনি হলাত।

উম উম জুরো ব অঃরান হেয়েত বাঝি
সুঞ্জুগে এজং এজং বানা ঈল পুদি,
ডর পুদে পরানত ঝারবো রেক্ষজর
জিবনান হা আঃদত গজেই দিলুং মর!
উবো অঃয় হেয়ে হেজ জার’ হাদা উদি,
চোঘত ভাঝেই ফারাদজা যার যিয়ান ঘদি।

Share This Post

Post Comment

Please Answer.. * Time limit is exhausted. Please reload CAPTCHA.