ও বাপ-ভেই মা-বোন লক

Print Friendly, PDF & Email

ও বাপ-ভেই মা-বোন লক
এঝ’ কিয়ঙত যেই,
দুঘো জনম সুঘে কাদেবার বর মাগিয়োই।

কনে কুদু তুমি আঘ’
দেরি ন গরি বেগে এঝ’
এঝ’ কিয়ঙত যেই বুদ্ধরে পুজিয়োই।
দুঘো জনম সুঘে কাদেবার বর মাগিয়োই ।।

ঈংযে পিঝুম ফেলেই এঝ’
কোচপানা ভাব্লোই বেগে এঝ’
এঝ’ কিয়ঙত যেই ধর্মরে পুজিয়োই।
দুঘো জনম সুঘে কাদেবার বর মাগিয়োই ।।

কোজ্যে কেরেংগাল ফেলেই এঝ’
একজধা অহ্ইনে বেগে এঝ’
এঝ’ কিয়ঙত যেই সংঘরে পুজিয়োই।
দুঘে জনম সুঘে কাদেবার বর মাগিয়োই ।।

Share This Post

Post Comment