।।নাদোংসারা জিংহানি।। বাসু দেব চাক্‌মা

Print Friendly

পুগেন দি উদে বেলান
সেরো হিত্তে ফুদে সদক,
মনত থায় নো আজা
আওজ গরে হধক ।
দিনদিবুজ্জে রোদ তাদে
তাদি উদে পরান,
রাঙা সবন সাধচ্ছে অয়
পুড়ি যেয়ে রান্ নে সান ।।

দিন পত্তি লারেই বাজানা
আওজ্ সানি পুরেবাত্তে
বেগে চান পিত্থিমিনত
নিজো ধক বাজিবাত্তে ।
নানা জনে চেজতা গরন
নানা বেদ ধুরিনেই,
এক নাললে সুদোত জট বাজান
দিবে নাল তোগেনেই ।

বেল যেক্কে আলে যায়
হো পানি সুগে যায়
এক ফুদো পানিত্তে পরান হানে
নপেনেই কবাল চাবারাই ।
বেল যেক্কে মেঘ্অ সেরে
বারোনি রোদোত সাবা পরে
রেদৌ হধা ইদোত উদে
কবাল মদ্দে ভাজ পড়ে ।

মোনো মাদাত বেল ডুবে
সাজন্ নে লামে ঘুরঘুরে,
আওজসানি এবাদে থায়
সাজন্ নে আন্দারত মিলে যায় ।
রেত অয় পহর আজি যায়
আধানা পথ থুম অয়
পাগজ্জে সেরে আজি যায়
গায় গায়,অমহদ গায় ।।

Share This Post

Post Comment

Please Answer.. * Time limit is exhausted. Please reload CAPTCHA.