।। জুম্মো দেজ ।। বাসু দেব চাক্‌মা

Print Friendly, PDF & Email

বেন্নে অলে আনধার ফারি বেল উদে,
মৌন মুড়ো,জুমো দেজত সদক ফুদে
পেগোর গীদে মানেয়ো রেঙে চোগ ফুদে
জুম্মো দেজসান রিনি চেলে চিত্‍ ভিজে ।
ভারি দোল এ দেজ,মানেয়োর মনানি
বেগে হাদান সুঘোর দোল জিংহানি ।
রঙচঙে ফুলো পাগোর আ রানজুনি
নানান রঙে রাঙেই তুলে জিংহানী ।

অ বারিজে দুক্কানি,অনেই চোগো পানি,
মুরো তলাত অনেই আগে গোদা পানি ।
বরব,ভুজোল এলে,লুরি উদে মাদি
বেগে মিলি ঊজে যান গুলি ধক্কে ঝাদি ।
আজার দোজা এলে নলঙে তারা মাধা ,
মৌন মুরোলোই হন নিজো মন হদা ।

Share This Post

Post Comment