[ হোজুলি ]

Print Friendly

চিক চিক রাঙা বেলান যেক্কেনে উদে,
পেক্কুনে গান মন ফাগুনোর গীত।
দোগিনোর জুরো আভাত উড়োন পোত্তাপুত্তিক-
পাগোর মেলন ঝারবো তুম্বাজ ফুল।

হালিক মিদে রোত্তানে যেক্কে-
আহ্জি আহ্জি এজে,হিয়েত বাজে!
হানা হুদি পরে য়েলোর রেজ্যত,
হুজি হেরর দেজে দেজে!

দেগা আর ন অব-
হদা ন অব দি জনর!
আর হদক্ষন? তে দ আঝি যেম!
মুই মিজি যেম বোয়েরর লগে-
ন দ দেগিম আর তরে।

ও হুজি হের,লাজুরি ফুল-
তুই ইদোত রাগেচ মরে,
মনানত বানি থোচ বিদি যেয়ে গোভিন রেত-
মিদে হোচপানানি, মর সেজ হদানি!
বেল দুবোং দুবোং সাজন্যা পহরে,
যুদি চিক চিক্কে লাগে-
ইদোত তুলিজ নোনেয়ে হোজুলি,
পরানর মুর হদানি।
মন সবনত রিনি চেজ,
বেলর ছদগত জুলি জুলি এলুং,
মুই এক ফুদো শিরো পানি।

Share This Post

Post Comment

Please Answer.. * Time limit is exhausted. Please reload CAPTCHA.