***মডেল ভিলেজ***সুদীপ্ত চাকমা মিকাডো***

Print Friendly

মুরল্যে চাদি গাঙয়র মুলুক মুলুক মানজ্যে

চিগন দাঙয়র চিদে বানিলাক

হিলত মডেল ভিলেজ গরিবাক

বুজিলাক জানিলাক আদিবাসী হি ?

হুউত হুউত আগে অধিকার আমারতেই

লগে জানিলাগ উন্নয়ন হি হেনজান

সেই লগে আরো আদিবাসী মডেলয়ান

 

হিলর ২৮ আদামর আদাম্যের মুইয়ে মুইয়ে

আদিবাসী মডেল ভিলেজর হামর হদা শুনে

১৪ জাদর ভিদিরে এগার জাদর মানজ্য মুয়ে

আজি ফুদাদে এক ঝাগ আগন হাম গরিয়ে

ম্রো, চাক, খেয়াঙ, পাংখোয়া, বম, খুমী

চাঙমা, মারমা, ত্রিপুরা, তংচংগ্যা আরো বাঙালী

জুম গরানা, মালেইয়া ডাগানা, ঝাড় রাগানা

নাজ গান জড়ানা, গেংহুলি গীদ রজনা,

চিগন বুড়ো মিলে মরদর জাগা চেয় মাদানা

জুম্ময়ুনর ঐতিহ্য বিলি মানিলইয়ন

হিল চাদিগাঙ বাজিব চোগ পানিততুন

টেঙয়া দিবার উজেলাক জার্মান ইইডি ত্তুন

দিন মাজ গরি বজর ছয় পাড় অল

সবন বেগর ২৮ আদামে মডেল অব।

 

২০০৬ সাল নামিলাক হাঙেল উজু গরি

এক ঝাঁক গাবুজ্জ্যে গাবুরী

রেত দিনে সঙ গরি হাম উজেইয়ে

লগে এলাগ আরো ২৮ আদামর আদামমে

মিলে মরদ গুরো বুড়ো সঙগরি

আদিবাসী মডেল ভিলেজ মনত বানি

পিএআর পিএসপি গরি সমাজর সবন দেগিলাক

আদামর বেককুনে জানিলাক

নুয়ো গরি আরো মন বানিলাক।

 

মডেল বানিবার হামত নামিলাক

আদামত মডেল হি আগে হি নেই জানিলাক

যা নেই মডেল বানাদে হোমড় বানি হামত লামিলাক

তর মর ভাগ নেই, আদাম মডেল বানেবারতেই

উজেই যার হাম মডেল বানেবার

২৮ আদাম চেই ২৫০০ আদাম অ লগে বানিবাক

 

আদাম বাগানে থেবো ভৌগিলিক সীমানা

থেবো আর লগে প্রাকৃতিক সম্পদর উপর মালিকানা

নাজে, গানে, পোজাকে, আজাগে থেবো যুক্কিয়ে

নিজর স্ব-শাসন অ থেবো গুচ্ছিয়ে।

 

আদাম্যেয়ুনর সবন ভাত পানি রাদ ন থেবো

লেগা পড়ায়, ধনে জনে মানে গুণে উজেবো

মিলে মরদ ফারগ ন থেবো

মা বাপ ভেই বোন বেলগ ন অবো

 

মুরুল্যে হিল চাদিগাঙর আজিবো

হাখহনততেই অলে অ নিজেঝ ফেলেবো

হাম গরি যাদন গাবুজ্যে গাবুরী দেজ জাদর হোচপানায়

মডেলে মডেল ভিলেজ অবো এই আজায়।

==================

Share This Post

Post Comment

Please Answer.. * Time limit is exhausted. Please reload CAPTCHA.