[ব্যাচেলর বেকার লাইফ]

Print Friendly
ব্যাচেলর বেকার লাইফ-
হাদি যায়, হাদি যার এ শহ্’রত।
ফুট-ফাট,রাজ পদত মিজি যার ঝাগত।
সুলুমোর ভাজত,কলারত জমের
হোরোলির হুর, সাধচ্যা ধুল
পেনর বুদি থোয়ে হগত,হাইলে পগেদত!

ব্যাচেলর বেকার লাইফ-
নিজো ধগে হাদি যার ভারি,
অনতিত্তে ক্যাল-কুলেশনত জিরেন নেয়ে গুরি!
পুরোনা জুতা,পিচ ধালা পদত ঘঝা হায়,
হয় যায় নিত্য ,মনানত চিদে থায়।
রিকসার পথ বেল দিবোরত আহ্দি,
হিজু টেঙা বাজে,মনত সুনজুগোর আহ্জি।

হানা-দানা,বেজা-হিনে সে ফুট ফাদত,
গবে সবে হাদে দিন চা কাপ আহ্দত।
হক হক সুলুমোত ব্যাচেলর অ বাজ,
এহ্দা-লামা মনানত চিক-চিক্কের আগাজ।
এজে রেত,হাদি যায় দিন,বানা পরানত-
মুজুঙোর সবনানি এজে বুজি থায় ধাগত।

ব্যাচেলর বেকার লাইফ-
মাজর পইল্লে দিন, হাদে ভারি গমে!
আধা মাজ হাদে হনরগম,আধা মাজ নিরোজে।
ঠাগোয়ে সমাজ্জে ফাগত নিলোজে মিজদে,
গরে লাজ ভারি বাবত্তুন মাগদে।
তো দ হাদে,হাদি যায় জিংহানি,
দি চোগোত ভাজি ভাজি থায়,ব্যাচেলর সবনানি!

Share This Post

Post Comment

Please Answer.. * Time limit is exhausted. Please reload CAPTCHA.