অজল দেবা থুমোত
রানজুনির সাঙু বেই শুন্নোত
যেবার চেয়োং!
আলা গুরি দোং মনান
চামে ধাক্কে
হোঙোদা-আরে গিজ্জে
আন্দার সুরুঙোত্তুন।
হিমালয় অ চুগোত
অজার ধোজ্জের মুরোত্তুন মুরোত
যেবার চেয়োং!
আনিদো চেয়োং সবনানি
পুঝিদো চেয়োং দুক্কানি
বানেবার চেয়োং হদক-
এক হোত্তা বিজক!
মুই নোবারং!
গং মরা মন নবারে সিমিনে সারি!
পাদুরো মন নবারে পরত্তুল্লোর সিগোল ছিনি!
নিমাদারা মন নবারে চের দেবাল ভাঙি!
রিজ্সো মন নবারে সুক-সুন্জুক আনি!
সনত্তে পাক হাই বানা ঘুলত পুরি,
পরত্তুল্লো মন
পরত্তুল্লো সবন
পরত্তুল্লো জিংহানি।
