রমচক্র, দিপক চাক্‌মা

Print Friendly, PDF & Email

রমচক্র

 

মাঘ মাজসে জারহাল্যত তাই উত্তেপুত্তে,

ডেনে বাঙে রিনি নচাই উল্লে নেজায় গাজর গুত্তে।

উরং উরং হান তার,উবো উবো চুল,

নাক্কো এক্কা চাবাদাক, চোখকুন অলাক গুল।

যেক্কে উধে রাগ তার, কিরিক কিরিক বিড়ে তে দাত,

দিবে দাবাই ন ভরে পেত, লাগে এক হারি ধানর চোলর ভাত।

চাবরত চত্তে তুলি পেলায়, বট গাজর বাগল,

লগে এক্কান রাগাই তে, চিমচিম্মে ধার তাগল।

এক্কো হুবোত সেনাই তে দাঙর বাজচে বাশ,

এক্কো জাদিত পেলায় তে মাদি বিদিরে হুচ্চে মাছ।

Share This Post

Post Comment