|| চিতপরা হোচপানা মর লাক্ক নয় ||

Print Friendly

নিমাদারা মানেই,
পরান নেয়ে দেবাবোরে চেনেই
হালা মেঘ দিগি ভাবে আহ!মর হদক দুক!
মর টানে,চিত-পরা হায় যানে,
-অঝার দেবাবু!
ফুদো ফুদো ঝর,পহন পহন ফুদোউন
হবালত পলে মনে মনে হয়,
আহ!দেবাবোই হানে ম নাঙে!

বম ভুলো-!
দুগোর আগুনোত পানি ধালি,
পরেয়ের ঠেঙত পুরি আহ্ঝার চিত-পরা!
হি লাভ?তর সে মিজে মেয়ে পেনেই?
অধিকার!তর যে নেই সে নেই!
-আভিলেচ!
বার বার চিত পরা,শোষনত আধামরা!
ধুজ হেনেই তর উজ নেই!

নবুঝোজ হিয়া বেহুপ!
শোষনর চাবুক,বুন্দুগোর নল,আগুনোত
চিত-পরা,হোচপানা’ত হন হাম নেই!
লাড়েই ছাড়া ছরানর পথ-
তর নেই!তর নেই!
তুই দেক্কে আঙুল তুল!
আগুনোত ফুদো ছদরক ফুল!
টোদা সারি আন দেবা পারাগর র,
আহ্দত ধুরি আন দেবা চিমিত!
মুত ভিরি বেগরে হ-
তর চিত-পরা,হোচপানা মর লাক্ক নয়!
শোষনর শেলত বুক পাদি হ-
তর শোষন আর মান্দুং নয়!
মুই বুক দি মুরি জানং।
মুই লারেই গুরি বাজি জানং।

—————————–

চিতপরা =Sympathy

Share This Post

Post Comment

Please Answer.. * Time limit is exhausted. Please reload CAPTCHA.