“গিরগিরে উদো” (স্পন্দিত হও)

Print Friendly, PDF & Email

ফুদো ফুদো ঝড় ফুদো
তুই মুই এ ওঝার ধয্য়াত।
ধিপ্পিলেই উদো-
ধিপ্পিলেই উদো বেগে নুও গঙে,
পরানর টানে ঘুমোত্তুন জাগি উদো।
ইত্তুক ইত্তুক মিলি ডাঙর বানেবং
একদিন আনিবোং সুনামির ঝড়!
হোজে নেযেবং বেক শিগোল ছিনিবোং
বোদোলে দিবোং গরন এ সমাজর।

মিদে মিদে রোদ মাদি বুগোত
রোদ তাদিবার আগে জাগি উদো।
গিরগিরে উদো-
গিরগিরে উদো নুও বেল ছদগে,
মাদি ফুরি উদিনেই ফুল ফুদো।
ইত্তুক ইত্তুক মিলি ডাঙর বানেবং
এক দিন আনিবোং বর ভুঝোল!
ভাঙি পুরোনরে বেক নুও গুরি গুরিবোং
সাজেবং মেদিনি গুরিবোং আর দোল।

ফুদো ফুদো ঝড়ে আনে বর বান
চিগোন চিগোন মাদি হোলোয়ে গরে পিত্থিমি!
সং জোগারে আমি ছারেবং দেবাপারাক
আনিবোং বুদুলি যেবার সুনামি।
গিরগিরে উদো-
গিরগিরে উদো সং তালে,
ইত্তুক ইথ্তুক মিলি ডাঙররে গুরিবোং
পাত্থর দেবাল ভাঙিবোং ঝোলগা ঝোলগা তুম্বোলে।

Share This Post

Post Comment