পেদাচানর হোচপানা, লেখকঃ- বুদ্ধজ্যোতি চাকমা

Print Friendly, PDF & Email

গুরিব ঘরত জনম লুয়ি হবালপড়া পেদাচানে,

চোগো পানিলোই নহানিলিয়ু তা মনান নিত্তু হানে।

রাঙ্গাচাঙ্গা হিয়েন তার হোগিল হোগিল চোক্কুন,

হদাগানিলোইয়ু মনত পুরি গম পেদাক তারে বেক্কুন।

হলেজত তে ভত্তি ওইনে হোচপেলঅ রাঙ্গাবীরে,

হাক্কন তারে ন দেগিলি তার পরান ন তঅরে।

আদামঅ ইত্তুন পেদাচানঅরে হোচপেদঅ হালাবী,

হমলে তাত্তুন হোচপানা পেবঅ নিত্তু তেদ ভাবি ভাবি।

পড়া হরজ চালে নপারি লেঘাপড়া ছাড়ি পেল,

এনে এনে রাঙ্গাবী আর এক্কু মরদঅ পাগত পল্লঅ।

সে হবর আন যেক্কে নাহি পেদাচানে পেলঅ,

লগে লগে চোগো পানি জুরজুরে পেলেলঅ।

ভালগবার তে রাঙ্গাবীরে ফিরে আনিবার চেলঅ,

হবালপরা মুআন্নোই তে ফিরে নপাল্লঅ।

সুযোগ পেইনে হালাবী তারে পাগত পেলেবার চেলঅ,

রাঙ্গাবী হদা পুরি পেলেনে শেজমেজ হোজ পেলঅ।

মনঅ হদা ভাগ গত্তাক তারা দিজনে মিলিনি,

লুয়ালুয়ি ওইনে হাদে দিলাগ তারা সুগে জিংহানী।

পেদাচানঅ মোক্কু চাঅদে এনে লাগে এক্কা হালা,

এতায়ত্যে হন্নে বুড়োবুড়িয়ে হালা গলার মালা।

 

লেখাটির কিছু অংশ  Research Our Culture, Tradition and Script ফেসবুজ  গ্রুপে প্রকাশ করা হয়েছে

Share This Post

Post Comment