***এককানা হোচপানা***সুদীপ্ত চাকমা মিকাডো***

Print Friendly
হোচপানা ভাগ দেনা, হোচপানাভাগ লনা হম হদা নয়

লবার আগে, ভারি উচসো মনে অয়

ফাদা বাজর চিবেত পড়ি

পরানান বানা যেদ চায় উড়ি

পেগ রয় মন ভিজেবার চেলে

চিৎ জুড়েয় বানা হোচপানাপেলে

হোগিলর গীদে চিৎ ভিজিবারহদা

সুরে সুরে ন মিলিলে রাঙা অয়মাদা

 

তালে তাল তুলিদ চায় আমিজে

হুজি ভরি আগে পিথথিমির হোনদেজে

হিল চাদি গাঙ ভরি আগে নিত্যতামাজায়

সবন বানিবো হিয়র, আ হারআজায় ?

গুরো দক হারা লই আগঙ লুদুপুদু

হিলয়ান যেন দেজতত্তুন যুদো

 

সাদাঙা সাদাঙা ভাব

আমিজে থা পড়ে জিংহানিরধাবাদেনাত

চেলে পেব আজা গরা যায়

হুরে মানুষসো হারাদে আমিজেশুনি পায়

মিজে আজি মুয়ত লই বেরানা

সমার পেলে দি এক টুগর দিচানা

ঠরিলে এগ এককো ধরা বাড়ানা

 

মুয়ত আজি লুগেয়ে গরি বয়থানা

ইয়ানয়র নাঙ হি হোচপানা ?

দাগত গরি বয় নাগর মাদানা

ইয়ানর নাঙ হি হোচপানা

বুজিদ চায় মনান ভারি

এ যুগর হোচপানার দগ দেগি।

বুড়ো বুড়িয়ে হন লিয়েনপুজানাত হোচপানা

ইককু দেঘা যায় বানা লোগচর্যানা।

 

জুন পহরত গাঙঅ পারত বজানা

সমার সমাজ্জ্যে মিলি গীদলগে হেলা হেলানা

মালেইয়া দাগি জুম হাবানা

রেঙ হারি জেংহুলি শুনানা

 

দিন লগে হোচপানার রঙ বদলের

লুঢুঙ ভরি মাজ ধরানা নেই

সেই লগে শিরেদ হবঙ বানানা

জাদর সংস্কৃতি হোচপানায়উজেই বেগে এযনা।

জিয়েই উদোক সংস্কৃতির হোচপানা

ভরি উদোক দেজচান তর মরহোচপানায়।

==================

Share This Post

Post Comment

Please Answer.. * Time limit is exhausted. Please reload CAPTCHA.