|| আমা দেজ্সান ||

Print Friendly, PDF & Email

মুরো উনে ডাগদন আয়,
সের পেলে যাং তারা হায়,
গায় গায় আহ্দং জার হালত,
হো’য় ভিজছে পদত
রান জুনি সাত রং-অ দেজত।
অহুর বারিজের তেদের তেদের ঝরত,
এহেল-এ ভুরি যায় বেক্কানি,
পিত্থিমি বেরেই বেক থুম গুরি।
হায় টানে সেজত,জুমো জিংহানি।
তবনা গরং গোজেন,
জুমো দেজত মুই ফিরি ফিরি এম।
হোচ পেয়োং যে দেজর মেদিনি,
বোয়ের,মিদে রোদ,মানেয়োর জিংহানি।
উদোন্দি বেলর গাবুর সদক,
যিদু দিগি মুই আমক অং।
সাজন্যা বেলর নানা ধং
সিদু দিগি মুই ভাবং,
হি দোল! আমা দেজ্সান।
হি দোল! আমা হিল-চাদিগাং।

Share This Post

Post Comment