”হোচপেনেই মানুষ ঠগানা”। দীপক চাক্‌মা

Print Friendly

উয়ুরে উয়ুরে হংগে মুই
তরে বজমান হোচপাং,
ইন্দি মুই মনে মনে
আরও ইক্কো লাঙ তোগাং।

তত্তুন বেজ উপযুক্ত
হমলে যে মুই পেম,
সেক্কেনে মুই তারে পেলে
তরে ফেলে যেম।

হানিবে না আজিবে
সেক্কে ন’দেম মুই তরে,
যেদক হোচপেদে সাদ
যে ন পেবে মরে।

সেক্কে বানা হোচপেম
নুঅ লাঙওরে,
সেক্কে তুই হানি হানি
গেইল দিবে মরে।

পিত্তিমিত যেদক্কানি
দাঙর গেইল আগে,
সেক্কেনে তত্তুন হেনা ন যেব
দাঁত বিরিবে রাগে।

চোগোর পানি পুরে যেব
হিয়েয়ান তর শুগেই যেব,
ভাত পানি ন রুজিব
রেত দিন ঘুম ন অব।

সেক্কে মুই তরে ফেলে
আজি রঙে থেম,
ত দুঃখানি দিগিলিয়ু
ন দিক্ষে গুরি থেম।

তুই থেবে মনত দুগত
মর সেক্কে আজানা,
ইয়ানিরে হইদে
হোচপেনেই মানুষ ঠগানা।

Share This Post

Post Comment

Please Answer.. * Time limit is exhausted. Please reload CAPTCHA.