ইদোত তুলিজ মরে। দীপক চাক্‌মা

Print Friendly, PDF & Email

ইদোত তুলিজ মরে
যদি চিত্‍ পুরিলে
ফাগুন মাস এব যেক্কে
কোকিললো দাগিলে,
গাজ বাজ পাতা জরি
নুঅ পাতা উদিলে।

ইদোত তুলিজ মরে
যদি চিত্‍ পুরিলে
পুত পুত্তে জুনো পহরান
আগাজত উদিলে
ঘুম যাদে আবাদা গরি
ঘুম ভাঙিলে।

ইদোত তুলিজ মরে
যদি চিত্‍ পুরিলে
দিবুজ্যে পাগানা রোদোত
চিক চিক্যে লাগিলে
দোবা চিললো আগাজত
চিক চিক গরি দাগিলে।

ইদোত তুলিজ মরে
যদি চিত্‍ পুরিলে
আবাদা গরি মোবাইলত
রিং টোন বাজিলে
দুগ পেনেই হোন দিন
চোগর পানি পুরিলে।

ইদোত তুলিজ মরে
যদি হোচ ফেলে
হোন দিন যদি তুই
ম সমারুন দেলে
রাঙামাত্তে ডিসি বাংলো
যদি বেড়া গেলে।

ইদোত তুলিজ সে দিননো
যদি মরে হোচ ফেলে
যে দিন চোখ হাদিনেই
I Love U হুয়োং তরে।

Share This Post

Post Comment