তুমি জুম্ম জাদর গাবুজ্যে
================
ও জুম্ম গাবুজ্যে লগ !
জাগি উদো জাদি ঘুমত্তুন
জাদি জাদি লুড়ো ধর
যিত্তুর পার উজে য,
নিবিলি পথ হাজেই নেজ,
মনানিরে শক্ত গর
ভবিষ্যত তোমারে বাত্যানা গরের
আগ্গুয়ানা অ সাহজ গরিনেই
জেদক এব এজক দাঙর বিপদ
উজে য মনানি ধর গুরিনেই।
ভাঙি পেল চৈদাল আনাল
সমাজর কেরেঙ্কাল আর ঘন্ডি চক্র।
তোমাত্তুন অই পুরিবো চৌসামা
বাদ দে পুরিবো সেই আগর কুক্যা হিজেব
দায় মারা হোদা দুঅ আমারে
দাবেই দুঅ মানেয়র কেলচ, চ্যাংসামা
জুম্ম জাদে তোমারে কৈঝলি গরের
হোনো দিন তুমি ইত্যা ন দুঅ
ন দোরিয়ো কেপ দারর গুলি।
মনত রাগিয়ো সব সময়
তুমি জুম্ম জাদর গাবুজ্যে।