ফিরি পেবার চেই, দিপক চাক্‌মা

Print Friendly, PDF & Email

ফিরি পেবার চেই

* * *
ফিরি পেবার চেই আমি আহরিয়ে যিয়ে দিনুন,

যেক্কে এলাক হাজি রঙে আমা গিদিয়ুন।

ন’এল অভাব তারার জিংহানি গমে হাদেদাক,

একবার জুম গরিনেই বঝ’র ভাত পেদাক।

যারে হুয়ে সাদাসিদে জিংহানি তারার এল,

সেই দোল জিংহানি ইক্কু হুদু গেল?

* * *
ফিরি পেবার চেই আমি হারিয়ে জিয়ে দিনুন,

যেক্কে এলাক একযদায় আমা বাপ ভেই মা বোনুন।

ন এল গন্দগোল হাবাহাবি আর মারামারি,

ন এল তারার হোনো হিংসে আর রেষারেষী।

একযদায় গমে তারা দোলে তেদাক বাজি,

সেই সুগর দিনুন ইক্কু হুদু যিয়োন আঝি?

* * *
ফিরি পেবার চেই আমি হারিয়ে যিয়ে হুদুম্মউন,

যারা ইত্তে হুদুম ফেলে দেশ ছাড়ি যিয়োন্নোই সেই জুম্মউন।

জাগা আর গিদি ছাড়ি দুরত আহরি যিওন যারা,

নিজ পহন চোগো পানি পেলে ইক্কু হিংগিরি আগন তারা?

জাগা জমিন হারি লনেই ডাবেইধোন যারারে,

এই দেশত এই মাদিত ফিরি চেই তারারে।

* * *
ফিরি পেবার চেই আমি হারিয়ে জিয়ে জাগানি,

যিয়ানি আগে পানিত তলে আর হারি লুয়োন এ সিয়ানি।

দোল সমান জাগা ছাড়ি আগিই মুড়োমুড়ি আর জারদ,

উবোই ছাড়া ওনেই আর ধেই যিয়োন হিজু ভারদত।

মেলা হোলা জাগা এল আর হোনো দুগ ন’এল,

সেই সুগর দিনুন ইক্কু হুদু আহজি গেল?

* * *
সেই সুগর দিনুন, এই জাগাত ফিরি চেই আবার,

ন’চেবং আর হোনোদিন পরিয়ে অধিনত তেবার।

এজ আমি বেগে মিলি মজুংগে উজেই যেই,

সেই সুগর দিনুন আমি ফিরি পেবার চেই।

Share This Post

Post Comment

This site uses Akismet to reduce spam. Learn how your comment data is processed.