জার হালর ধার বোয়েরত থদথক গুরি উদে,
বুড়ো ঠুগুরি,হালা-উত নিকোটিনোর রাজ পথ!
ঠিদিথিক গরে আহ্দর লুদিক বুড়ো আহ্দত।
মরা পাদা ঝুরি যার চিত নেয়ে বোয়েরত।
হো এজে উদোনত এজে মিদে রোদ ঘর হুনোত,
চুম্দি হায় শিরো পানি সত্রং ফুলো পাগোরোত।
এক্কান হবর এজে হন এক ভর জার হালত,
নিকোটিনে ঝুরোপুরো চিদোত ঝলপল হোচপানা,
চুগে যায় পুরি থায় দুক পরান নেয়ে নিজেজত।
বুড়ো মিলের চোগো হুন বে পরে পহন চোগো পানি,
তে দ মা!সাজেয়ে এল তার’অ সংসার জিংহানি!
ভরন জার হালত বানা এক্কান হবর,
বানা বানা খুন!থুম ফুলোর জিংহানি!
ভাঙি গেল বেক আহ্জা,সবন,মা ডাগোনি!
তেপ তেপ চোগো পানি বুক ভরন অভিশাপ,
ইয়ান দ মেদিনির সুদোম নয়!নিজো ভেয়ো পাপ!
রোগোনি গুরিলে আহ্ত সদর গুরিলে পর,
ভাঙি ঘর ব-নিজেজে বোয়েরান বানেলে বিষ,
চাং অয়ে বুড়ীর আভিলেচ শুনোং ‘মা’ ‘র’বো ফেরত দিস।
——————————–
থদথক=থর থর করে কাপা ।
নিকোটিন=তামাক জাত পন্যর বিষাক্ত উপাদান ।
চাং = নিঃস্ব ।
চিত নেয়ে = নিষ্ঠুর ।
চুম্দি হায় =ঠত লাগিয়ে খাওয়া ।
