|নো জনম| (Re-Birth)

Print Friendly, PDF & Email

গাবুর!
অঝার দেবাবোর মানেয়োর টান,পানি দান!
অজল মৌন মুড়ো,হুজি এহেল পাদা!দাঙর গাজ!
ঝর বয়েরত লারেই!পরান বোলার পরান
জনমান বাজেই,তরে ন শিগাই হি?
হোচপানা,এঝাল,বল!মানজোত্তেই তর জনম!

লুং গুর বুড়ো,ঘুন পয্যা পুরোনা হদা!
গং মরা মন,মরা স্ববন!আন্ধার রেত
বেল দুবোং দুবোং!ঘুর ঘুর চোগোত লেবর
মানজোর আনুদোর,দিগি তর মনে ন অয় হি?
পুরোনরে নো গুরি সাজেবাত্তেই তর জনম!

দুখ’হামর ঘাম মাদিত,লোরবো জিংহানি!
চোগোপানি,মানেয়োর ভাগ!
মানজোর মরা হিজেক,আজ্তেরোর গাজতে আবাজ-
শুনি,আন্দারত দিগি আহ্জার আহ্জার জুনি
দোকদোক্কে রাঙা ফুল,সিজে গুলি
হিয়ের উম উম লো,গং বলা মন!তরে ন হয় হি?
বারোজর বাজ নিজেজত লোবাত্তেই তর জনম!

বুট জোতা তলাত উড়োন হেয়ে আওজ্সানি
বুন্দুগো নলত বাজি তেয়ে চিদে,মনত বানা শিগোল!
কবালত তিন ভাজ,লাম্বা ব নিজেজ!
মানজোর সাধচ্চে মু আনি, তরে নহয় হি?
আহ্জি যেয়ে আঝি ফিরে আনিবাত্তেই তর জনম!

হানজাবা হুরে ইংসের নিজেজ!শাসন অর দাত-
শোষনর বেয়্নেট!অসিভিল এমানর রোগোনি আজ্তের
নিমাদারা মানুজ,আকশোবার হোজুলি!এক গঙা মন,
গাবুর!এজ বুজি নবারজ হি?
বিষ শেল’অ মুওত বুক পাদি দিবাত্তেই তর জনম!

পাত্থর দর চিত,দোঙা নযায় মন!গাবুরোর গীত!
জাদর হাম,আহ্জি আহ্জি পরান দান!
অঝার দেবা অজলত,বয়েরত ভাজি
দো মিলি আলা উর্গো চিল দিগি বুজি পারজ হি?
বুলেট অরে চুমি,রাঙা অবাত্তেই তর জনম!

Share This Post

Post Comment

This site uses Akismet to reduce spam. Learn how your comment data is processed.