|| তুজে ঝাবেয়ে আগুন ||

Print Friendly

হালা ধুমো’ই ঘিরি আগে অজল মৌনো চুক।
মোন-মুরো দেজর মেক্কানি নেই আর ধুপ!
ভারি জুরো মোনো তোলাত আদামানি!
বোয়েরত ভাজের বানা ফুযু ফুযু হোদানি!
হো ধক ধুমো উদের,ভাঙের ঘুম!
দোক-দোক্কে গুরি জলের তুজে ঝাবেয়ে আগুন!

লাজুরি ফুলুনে এচ্ছে হোদা হোবাক,
ফুলে আর বুলেট-এ লারেই বাজেবাক!
ঠেংঅত তলে হুঝি হেরানি হাদা ওই ফুদিবো।
নরম ফুলো পাগোরানি আগুন ওই ঝুরিবো।
উত্তোন জেই সোনার পো-সাবা সাজেবাক জুম,
সিদি জার চেরোহিত্তে তুজে ঝাবেয়ে আগুন।

রাঙা বেল-অ পহর মুজুঙে উদিবোই,
দারিত্তে অজাত-এ লারেয়োত ঊধীবোই!
আগুনো ত’ই জার হাল হাদি জেব,
ফুলো পাগোরোত,বোয়েরত ভাজি ফাগুন এব!
রাঙা ফাগুনোত মিজিবো তুজো আগুন,
উরিবো নো বাবোদা চুগোত,আঝিবাক মৌন’উন।

Share This Post

Post Comment

Please Answer.. * Time limit is exhausted. Please reload CAPTCHA.