“তিরোজ”

Print Friendly, PDF & Email

হয় দিন বিদি গেল,
ওঝার দেবাবোরে নদেগং।
নশুনোং পেগো গীত,
বুগোত নেই সুনজুগোর নিজেজ।

বানা চাবে চাবে আগং,
সে পুরোনা বিদি যেয়ে দিনুন-
আদামর পাগানা ধান ভুই,
মোনা-চোনা,জুরবো পেগোর হলহালা
রাঙা সেমেই ফুল-
রেদোত ঝিমিত ঝিমিত জুনি।

হুদু গেলে তুই শিরোপানি?
বুগোত থুবো ওয়ে নুনজো পহন পানি।
নেই মিদে রোদ-
গাবুর রাঙা বেল,সোনালি সদক,
এক ঝোলগা ঝারবো ফুলো তুম্বাজ।

মনান মর চের দেবালত বানা,
চেরো হিত্তে হালা মেঘ হো,
পেট্রোল-ডিজেলর বিষ ধুমো,
বুক ধিবে-ধিপ্পে জাগা,
কালোচ্চে-সাধচ্চে অজল বিল্ডিং ও ছাবা।

ঢাকা শরত হন আগাজ্চ নেই!
চোখ জুরোনি মাঠ নেই,
নেই মানেয়োর সমাজ!
থুম নেই পরানর তিরোজ,
মানেই কাচ্চেগির হেরাজ!

হেজান আগস হুজি হের ?
হলা পাদা য়েল-
সাবারাং বাগোরো তুম্বাজ,
মুড়ো পিদিত নাঙেল।
বাজ্সে থেচ মরে ,লঙর তর নাং,
চেঙে,মেয়োনি,কাজলং,ওঝার বড় গাঙ।

vvvvvvvvvvvvAvvvvvvvvvvvvv
সুনজুগ = comford.
কাচ্চেগি = civilization.
হেরাজ = taunt.

Share This Post

Post Comment

This site uses Akismet to reduce spam. Learn how your comment data is processed.