চাদিগাঙয়র চোগপানি*** সুদীপ্ত চাকমা মিকাডো***

Print Friendly

সবন দেগি এদেজ আমার হুজিয়ে ভরি থেবো

মানজর মনত সুগর সবন ভাজিব

লিয়ন পোজনে হোচপানায়

আমা এ হিল চাদিগাং ভাজিব।

 

হি পেইয়েয় আ হি আরিয়েই এ দেজততেই

হিও হি ইজেব মিলে চেইয়েই ?

লাম্বা ২৫ বজরর পজজন

হাজার মানযর আরিয়ে হদক সবন

বারঙ বার পুগদি হানাদি রিনি চায়

ঝারে ঝারে, বাজ গাজে হাদেইয়ে হদক

এই আজায় বানা হিল বুগত ফুদিব ছদক।

 

নানান তান্যে বান্যে গরি

হাদি গেল আরো ছবো বজর

১৯৯৭ সালত ঐ গেল পার্বত্য চুক্তি

হুদু আজি গেল হিল মানেয়র মুক্তি

 

গাঙে ছড়ায়, মোষ গরুয়ে ভরি এইল

আমা সবননানি

হিল চাদিগাং এইল আমা বেগর জিংহানি

গুড়ো নেই বুড়ো নেই

মিলে মরদর ইজেব নেই

চাদিগাং অর দাবিতেই উজেবার মিছিলত

নেই চিদে আগে হি এ হবালত ?

 

ইককু হেজান আগি আমি বেগে

মুয়ে নেই হিয়েয় নেই রিনি চেলে দেগে

চোগ ভরি থায় পানিয়ে

হেওয় বুজি ন পারে এ পানি হি হুজিয়ে ?

 

তুমি আমি চেই আগি

যেদক দিন বাজি আগি

জাদতর ভালেদ অব

নুঅ রঙে বুনন্যে নুঅ পুরোনে সবনেদি।

===================

Share This Post

Post Comment

Please Answer.. * Time limit is exhausted. Please reload CAPTCHA.