*অহ্‌দুং যুনি*

Print Friendly, PDF & Email

১৩/০৭/২০১৩ শনিবার ৫.১০ পিএম

অহ্‌দুং যুনি দুর আগাজত পত্‌পত্যা রাঙাবেল

পহ্‌র গরিদুং এ পিত্থিমি মর ছদগে,

যুনি অহ্‌দুং পহ্‌ন দেবাত ভরন পুনং জুন

মানসোর চিদ রিবেঙত জাগা জুগুলেদুং।

অহ্‌দুং যুনি চেরোকিত্যের দেবংসী বোয়েরান

অহ্‌রান্যে মানেয়োরে জুরে দিদুং পাচপরান

যুনি অহ্‌দুং মুই কনঅ এক তুম্বাচ ফুল

গুণ সুধোমর তুম্বাজে মানেইকুল ভরেদুং।

পারিদুং যুনি ওহ্ই খেলাং দয্যে সান

অজল নীযো অঝরেনেই গরিদুং বেক সমান

ঝরফুদো যুনি অহ্‌দুং বারিঝে খরানত

গাধেদুঙ বেগরে কোচপানার ঝরত।

সাংসাঙ্যে সুদ্ধ অহ্‌দঅ এই মানেপুরী

কাজরবিজোর ধোই যেদঅ গদা পুজিসারি।

যুনি পেদুং সংসারর বেক গুনোরা’ন

সং ভাগ দি মানেয়োরে ধাবেদুং বজঙান,

লুগেদুং অনতিত্যে লুভ ঈংযে পিযুম

দুনিয়ের যদ’ অসান্দি ওহ্‌ই যেদ’ থুম।

—০০০—

Share This Post

Post Comment