ম পরানর সমাজ্জে তুই,হি হবর ?
হদক বিজু এল-গেল তো নএজর ,
আওজোর তোনানি হগরা ওই যেয়ে,
ত পুরোন সুলুমোত উল পুরি যেয়ে ।
দোরোত বুজি মা বাজ সে নথায় আর ,
‘দাদা’ হুদু ? চিত্তি পিজের নগরে আর !
চোগো পানি নেই,পাত্থর বান্নে বুগোত ,
ভেই,বোন,বাপ-মারে রাগেলে দুগোত ।
লেত্তো মুওত,এক ঝাক হালা হুগুর,
মাদালা টাগি দিলাক মরণ মুগোর
মগদালোই হারা হলাক অসুরুনে ,
মাজারা তর লুগে দিলাক তিন দিনে !
আমি পেলং মগদা নেয়ে চোবাসাল ,
ভারি হুলুক ইক্কু কাজলং অ নাল ।
——————-
মগদা =মরা =লাশ
মাদালা =সিরে= মাথা
