মৌন মুরো এহেল দেজত রঙ ফুদে বাজ গাজত্ , গুরো-বুড়ো গাবুরো পালত বিজু এজে বজর শেঝত । বিঝু এজে নানা রঙে নানা জাদত নানা নাঙে মানেয়ো মনত হুজি লাগে বিঝু এজে নানা ধঙে । বজর পত্তি বিঝু এজে মনান থায় আওজে , নুও বজর অ লগে লগে ঘরে ঘরে লহ্মী এজে । চেরাগ তলাত আন্ধার থায় বিঝু রঙত ও হালি থায় , বিঝু এজে বিঝু ফিরি যায় রিদি-সুদোম হয় নেযায় । ঘরে ঘরে হুরো আধার বুড়ো বুড়ি গাদা না , রিনি চেলে দেগা নযায় ঘরত যে যে সালাং গরানা । গুরো লগে ন মাগন আর বিঝু গুলো তোগেবার , বেন্নে পত্তে পানি মুরোত ফুগুত ফুগুত বুর মারিবার । ঘিলে হারা , নাধেং হারা পুত্তিক হারা , পাক্কোন হারা হোনা সেরে পুরি থায় , গাবুর লগে গিটার বাজান মদ বদল হুরে থায় । বিঝুর মানে বুদুলি যার নৈতিকতা হুমি যার , রিদি-সুদোমত মু ফিরেদন নুও গাবুর লগে , রঙচঙে বিঝু ইক্ কে ভারি সাধচ্চে লাগে ।।
