|| মনবি ||

পুনোং চানর মিদে পহ্’র হায়,
পেদ চায় গায় দাগে হায়,
গম পায় শিরো-পানি,লাজুরি ফুল-
মনবি মর ভারি হোচপায়।

নুদি নুদি ধং,রানজুনি সাত রং,
লাগে গম হুঝি তা মন,
ভারি পহ্’ন চোগো-পানি,ঝরঅ ফুদো
মনবি মর পরানর ধন।

চুল ইরি থেদ চায় ম বুগোত,
অহুর দুগোত তে মনর সুগোত,
পেদ চায় জুন-পহ্’র,নচায় বেল-পহ্’র
মনবি মর মাগে ঝর জার হালত
পত্থমত ভাবি জাগি থায় সবনত,
আওজোর পরানি ধারোজোর মনবি
বানা হোচপানায় জিংহানি চলে হি?