র সারিনেই হংঅর
মুই জাত মুরোইল্লে ,
মাধা হোনোদিন লঙেদুং নয়
ভাঙিলে ভাঙিম বে ।
জনম মর মৌন-মুরোত
জিংহানী হাদাং সে বুগোত ,
মৌন মুরোর রাঙা সবন
নিত্য ভাজে দি চোগোত ।
মৌনো চুগোত বলপেয়ে আবা
দিন পত্তি মুই হাং,
মৌনো ধক মাধা উজু গুরি
জিংহানী মুই হাদাং ।
গাজ-বাজ অলাক ম সমাজ্জে
মাজ্তর অলাক মৌন মুরো,
মাজ্তরুনে সিগেয়োন মেরে
ন অবাত্তে পাদুরো ।
ঝড় বোয়েরে সিগেয়ে মরে
নিবিলি পথ ধো গুরিবার,
বান অ পানি ধক্কে গুরি
আদং-হাজর মেঢ়ে নেযেবার ।
মুই তুইত্তে বয়ের অ ধক মাত্তল
ঝড় অ ধ্ক এক গোং এ,
তাগলক অ পানি ধক নাল উজু
বড়গাঙ অ ধক গোর গোজ্জে ।
মরণ অ দরে পিট লাম্মুং নয়
পাদুরো অনেই ধে যেদুং নয়,
মুই স্বাধীন মাদা উজু গুরি
জিংহানী হাদেম মৌনমুরো উগুরি ।।
