ম রোগোনি মনান এজ জেদা আগে!
হিয়ে ইরূনোত এজ আদি যায় গরম লো
ফুদো ফুদো গুরি পরে নুনজো পহন পানি,
তদা আজি এদ চায় গাজ্তে হন র।
ম রোগোনি মনান এজ জাগন আগে!
এজ নো নো ঘা অয়,ফুদো ফুদো লো পরে
পত্তিবার যেক্কে সুনং খুনো হবর
পরততুল্ল মানজোর মরা হিজেক।
ঘা আনি অজারত্তুন অজার অয়
যেক্কে বাপ আরেয়ে পোবো হানে,
মুরে মুরে যেক্কে চোগো পানি পুজোন
নো রানি মিলে,বুরো মা-বাপ
হোচপানার ভেই,নোনেয়ে হন ভোন।
ম রোগোনি মনান এজ হানে!
এজ হিয়েআন গিরগিরে উদে
পত্তি বুলেটঅর গাজ্তে বর জোগারত,
সনত্তেই সজ্তা হোজোরা ধুপ হাবজোত
এজ থায় সুখ,দুখ,- হালা অক্কর!
জিরেন নেয়ে গুরি এজ লেগে
বিজক!গং মরা অরান হন হলম।
