|| তুই ||

তুই বারিজে না ফাগুন?
জ্বালেলে আগুন মনানত!
ঝোলগা বোয়েরত মেয়েবি,
উদোং তাং মনানদোই হি দেলুং?
নোনাবি চুলানি তর-
বারিজের দেবা হালা,
নাহি হলমর হালি?
যে হালিলোই লেগা ওয়ে আঝার লামা(poem)
পোত্যা আমলর সবন,
জুন পহ্’রত হোচ পানা হোদা!

নোনাবি উত্তানি তর-
লগত ফুত্যা ফুল,
নাহি হরঙা-হাপ্পে রান জুনি?
তুই হুজি পাদা রাঙা ফুলো সেরে,
হন সোনাত্তালি পেইক!
জুম ঘর ইঝোরত
পুনোং চানর গোভিন রেইত।
যেদক দেগং বানা আমক অং!
তুই হি ফলনে ভরা গাবুর জুম?
দেবোংসি মেয়েবি!
রুবে রঙে ভরন মাত্তল ফাগুন!