যেই সবনত বেরেয়োই।। বাসু দেব চাক্‌মা

Print Friendly, PDF & Email

ঝির ঝির গুরি হুড়ো ঝড় পড়ের

উবো মরাগাজর সেজ পাদাআন বোয়েরত লরের ,

মুরো লামোনি বিজোল মুজুনো মাদি পথ

ঝুড়ো-পুরো আলগ ঘর পেলং আমি লাগত ।

এক ঘর মানুজ মু হালা গুরি আগন বোই ,

হোল বাজাদন দিবি গুরোয় এক হত্তা পিদেলোয় !

আরুগো ধক হুজি চিত্তি মুরহুজি আগে মা বুগোত ,

বুগো আরুন তার গুলো গুলো চোক্কুন সুরুঙোত ।

আগচ লগে ,লগত ফুটতে ফুলো ধক সাজিনেই

হেয়েত্তুন তর তুম্বাজ সিদের,তারার হেবার নেই !

আমুরি পারেদে গুরোবো তরে দেনেই ধুক গিলের ,

পেট পরা ফেলে আমক ওয়ে তরে দেনেই ।

আরা হুরোত ফুল ফুদেলে সিবি হি মানান সই ?

উজুলং অর তরে যেই সবনত বেরেয়োই ।

চের দেবাল বারে হালি পায়ে যেবং জুমোত ,

হুজি হেরঅ উগুরে আদিবোং যেবং বেগ থুমোত ।

মিগোলো দেবা তলে ঘর হুনো আন্ধারত ,

দিগি লাজে লুগিবো তে নএব দ পহরত ।

মুজুং তানিলে পিঠ উজতে যুদিও আওজে নয় ,

এক্কুই সাবা অলেউ দ তুই ঘোরবো নয় ।

মিদে মু তর হোগিল র পানিত পুরিবো

আগা মাদা বুজ নপেব বানা আজিবো !

আর ছাড়া তুই পাত্তে নয় সিলো চাদারাত আদি ,

মনান হেনে মানুজ অব নপেলে লাগ মাদি !

ফুল বাগানত কাবোজো ফুল সিবি হি মানান সই ?

উজুলং অর তরে যেই সবনত বেরেয়োই ।

Share This Post

Post Comment

This site uses Akismet to reduce spam. Learn how your comment data is processed.