ওঝার নীল ধজ্জে
লগে হুজি বালু চর,
ওকহ্ না তে দোল
ফুদিলে জুনো পহর ।
আধিদুং নয় মুই
সে দোল জুনো পরত
মনান মর বাজি আগে
বড় তারুমো ঝাড়ত ।
হয়ত আধিম মুই
নিবিলি ঝাড়অ সেরে ,
পুরি যেয়ে জুমোত
বড় আঙচ্চে আন্ধারত,
অই পারে রিজেংও পথ
পুরোন বড় গাঙঅ পারত ।
লাগিদো নয় মর
কারেনোর রাঙা পহর
মর দ আগে সমার অনেই
দোল হুজি-জুনো পহর ।
ফাগোন মাজ যেক্কে এব
দগিনো বয়েরত ভাজি,
গরবা অনেই বেরে এম্বই
ছড়া উজোনি আদি ।
পুন্দুরি রাঙা জুরবো পেগে
হবাক হদা রেঙে-গীদে
অভিশাপ হেয়ে ঘিলে লুদি
ফুল ফুদিনেই অব নুদি
চিবিত্ গাজে জাগা দিবো
দেনেই মেরে আজি আজি ।
হয়ত থেমবই মুই
অজল মৌনো মাদাত ,
আদিলে ও আদি পারং
বিজোল সিলো চাদারাত ।
গাজ পাদার হুজি বিজোন
বিজি দিবাক মরে ,
হিয়ে হাজর ধোই নেযেব
বড় এক লেজা ঝড়ে ।
ঠিক যেক্কে সময় অব
নিজে তানানার থুম !
গাজ বাজে নেজেবাক মরে
জিংহানি ভর ঘুম ।
হিয়েআন রাগেই পারিম
মা তিত্থিমি হরত ,
সেনে দ আধিম মুই
তারুম বন ঝাড়ে ঝাড়ে
নচিন্নে হন পদত ।।
chakma font its my favourite.