সাজন্যে উয়ে
বেলান ধুবি গেল
বেল পুক্ক ডাগি হর
গেল গেল গেল।
দিন্ন ঘুরি পেক এমান
নিজর জাগাত ফিরদন
রেত্ত সুগে ঘুম যেবাত্তেই
নিজ জাগা তগে লদন।
মানেই লগে ঘরত ফিত্তন
নিজর হামত্তুন
বিন্যে আরও যেবাক তারা
পুত্তে উদি ঘুমত্তুন।
সাজন্যে উয়ে
ডুবি যিয়েগোই বেলান
হাম বলায় হামত্তুন
দেনন হাম ইরান।
রেদর পুক্কুন হুজি অনেই
বেড়া নামদন
সংসমাজ্যে পাল বদিনেই
নানান গীত গাদন।
বাদল পেজা রেদর জুনি
চিরহিত্তে উগুত্তন
বেঙউনে হুজি অনেই
হরক হরক ডগত্তন।
