মুই হোননা? দীপক চাক্‌মা

Print Friendly, PDF & Email

মুই চাকমা, মুই মারমা,
মুই তরিপুরা, মুই গারো,
মুই মুনিপুরি, সiওতাল,খাসিয়া
মুই আগোং মর জাগাত
জনম জনম ধরি
সমান জাগা ওক আর মুরোমুরি ওক
ছিল ছাদারা আর ছরাছুরি
মুই আগোং ম জাগাত জনম দুরি
মর নিজর ভাজ আগে,
আগে মোর লেগার আং,
মুই নিজোর পরিচই দিনেই
বাজিবার ছাং
ণাককো মোর ছাবাদাক এককা
উবো উবো ছুলানি
হিয়ে গরন এককা ছিগোন
রাঙা ছাঙা হিয়ের ছামানি
মর ছাল ছোলোন, হোদা বাততা
পোরিয়ে জাদোততুন বেক জুদো,
মরে জে বাঙাল হই
মনে হই তারে ছুসসেং বাসসোই গুদো,
UN জিয়ানি নিনেই আদিবাসি হোই
সিয়ান বেক মর আগে
তে হিততে বাংলাদেশ সরকারে
জে মোরে নো দেগে?
ণাহি হোনো মুদি দোন
জারবো হুগুরে,
নাহি হোনো বু-বে দুজজে
সিততেয় মাদি নো পারে?
মুই জে আদিবাসি সিয়ান
পিততিমিত বেগে হবোর পান,
বানা বাংলাদেশ হোবোর নো পাইদে
উয়ে হেনেই মিললে হান্
বাংলাদেশ সরকারর তামাসা সেলে
এজে মততুন আজি
এই দেজোত বিলে বানা
বাঙালুন আদিবাসি
আদিবাসি হারে হোই
ণো বুঝে এবো সরকারে?
হোমোলে ছোক ফুদিনেই
আদিবাসি ছিনিবো হোবারে?
মুই জুমমা, মুই বাংলাদেজি,
মুই চাকমা, মুই আদিবাসি |

date: 7.8.12

Share This Post

Post Comment

This site uses Akismet to reduce spam. Learn how your comment data is processed.