মুও গুদিয়ে ব্যাঙ মরে,
তো দ ব্যাঙে র সারে !
নিজো হামে র সারানা,
মরন এলে হি গরানা ?
বর বারিজে ঝড় পডে.
নানা ব্যাঙে র সারে ।
বারিজে এলে লাং তোগানা
ছ ফুদে জাদ বাজানা ,
বর বর এমানদই যুদ্ধো গুরি
পিত্থিমিনত তিগি থানা ।
মানেয়ো মুগোর নদরায় ব্যাঙ
মুরিবার আগে দেগায় ঠেং !
জাদরে ভাবি ব্যাঙ মরে.
অ মানেয়ে র সারে ।
জাদ ভালেক বেগে বুঝোন
হাম গরন জাদর তরে ।
এই এক্কান উজু হোদা
জুম্মো জাদে বুঝি নবারে !
উজু জুম্মো বেঙা অদন
নিজো জাদরে নিজে হাদন ।
চোখ থেনেই ও নদেক্কন
চাগলগত ডেল গত্তন ।
ইক্কে উদোন যোগা হালা আঙারা
জলপায় পাদায় ভরা
নানা বাবত্তে রঙচঙে পাদা
মিজি যার,পুরি যার ধাগা ।
ব্যাঙ অ ধ্ক্কে র সারানা ,
উদোন হাজেবার আজা রাগানা ।
